-->

أسئلة واجابات عن كل ما يخص عمل البحث والاستعلام عن كود الطالب ومنصة ادمودو Edmodo

أسئلة واجابات عن كل ما يخص عمل البحث والاستعلام عن كود الطالب ومنصة ادمودو  Edmodo


    كل ما يخص عمل البحث والاستعلام عن كود الطالب ومنصة ادمودو
    كل ما يخص عمل البحث والاستعلام عن كود الطالب ومنصة ادمودو




    كل ما يخص عمل البحث والاستعلام عن كود الطالب ومنصة ادمودو

    متابعى موقع بوكلت التعليمى ننشر لكم كل ما يخص عمل الابحاث البحث والاستعلام عن كود الطالب ومنصة ادمودو  Edmodo ، اسئلة واجابات تجيب عن كل ما يدور فى عقل الطلاب وأولياء الأمور

    كيفية عمل البحث ورفعه على منصة ادمودو  Edmodo

    س : ايه البحث ده سيادة الوزير وازاى الطلبة تعمله ؟
    ج : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب
    ماكود خاص به لكل المواد وده الرابط بتاعه http://studea.emis.gov.eg  س : بعد ما ياخد الكود هنعمل ايه بالكود ده
    ج : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل  س : يعنى هفتح الموقع تانى علشان اشوف الاختبارات المطلوبة منى فى كل مادة صح كدة
    ج : بالضبط كدة  س : وطيب وبعد كدة ؟
    ج : تشوف اختبار كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات

    منصة ادمودو  Edmodo


      س : وبعد ما انتهى من البحث المطلوب فى المادة اعمله بيه ايه
    ج: هتفتح صفحتك على موقع اسمه ادمودو الرابط بتاعه ده https://edmodo.org/
    وهو منصة تعليمية بها صفحة لكل طالب هتدخلها بالرقم القومى بتاعك برضه  س : يعنى ده موقع تانى غير موقع الاكواد
    ج : ايوة بالضبط كدة  س: بعد ما افتح الموقع ده وافتح صفحتى عليه اعمل ايه فيه
    ج: هترفع البحث بتاعك بصيغة ورد WORD او بى دى افPDF على المنصة الالكترونية  س : يعنى ايه ارفعه على المنصة ؟
    ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمودو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد  س : وكدة خلاص
    ج : ايوة بس انت حملت اختبار مادة واحدة هتعمل نفس الكلام مع باقى اختبارات باقى المواد المطلوب منك ابحاث فيها  س : وهتظهر لى نتيجتى مباشرة
    ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه
     
    س طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اعمل ايه
    ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها  س : طيب افترض مثلا انا كبرت ادماغى وماعملتش البحث ده ايه اللى هيحصل يعنى
     
    ج: هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحث
    والا الوزارة هتعتبرك راسب وتعيد السنة  س : والكلام ده لحد امتى ؟
    ج : معاك شهر ونصف يعنى لحد 15/5/2020 م  س : طيب الاختبار ده فى المنهج كله ؟
    ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه  س : طيب الاسئلة ايه نوعها ؟
    ج : اسئلة سهلة وبسيطة تعتبر زى الواجب المنزلى اللى بتحله فى البيت

    موضوعات متعلقة











    مذكرة قواعد ومهارات اللغة الانجليزية الصف الأول الثانوى 2020
    1. لو سمحت انا لما بدخل بيقولي بيانات الدخول غير صحيحة

      ردحذف